Lai tylli ki thma u briew um jop & kiar na ka shongkha para shynrang para kynthei: Pastor BD Shangdiar

Syllad | The Rising MeghalayaMarch 10, 2019

WAPUNG: U Pastor BD Shangdiar ula ong ba lai tyll ki ki thma kiba u briew um lah shuh ban jop, kine ki kynthup ïaka jingpynjot ïaka mariang, ka jingïaknieh um bad ka jingkyrni haka jingdih buaid.

U Pastor Shangdiar ula ong ïa kane haba kren haka Jingïaseng Samla KJP Synod Mihngi kaba 17 kaba long ha Balang Presbyterian Wapung kaba hap haka Musniang Wapung District bad Shangpung Presbytery.

Kane ka jingiaseng kala sdang naduh 8 tarik Lber bad yn pynkut mynta ka sngi. Ka phang pdeng jong ka synod samla ka long “To sumar ba ïoh men klet ïa U Blei jong me.” (Deut. 8:11).

Ka jingiaseng kala long kaba shongkun bad da ki hajar ngut u paid riewngeit ka Balang Presbyterian na kylleng kila wan poi ha katei ka jingïaiseng kaba long haka por 10 baje mynstep haka Sngi U Blei ha Wapung. Ïaka jingiaseng la pyniaid da u Pastor NK Syngkli, Chairman Jingïaseng Samla KJP Synod Mihngi.

U Pastor Shangdiar haba kren shuh shuh jingïaseng ula sam ïaka khubor naka ktien U Blei kaba ula sot naka  shithi 1 Ioannis 2:6. Ula ong ba kum ki Khristan kiba shisha dei ban bud ïaka jinghikai U Jisu bad dei ban iaid bad im kum u Jisu ym ban kyrsum lang haka jingsngewbha pyrthei.

U Pastor Shangdiar, ula khot la wer ïaki parabangeit ban kiar naka jingshongkha para shynrang, para kynthei bad ban pynkylla ïalade na u shynrang sha ka kynthei lane naka kynthei sha u shynrang wat la kane ka juk kala ithuh ïa kane ka kam shongkha bad la pynlong aiñ namar ka long pyrshah ïaka ktien U Blei.

La ïoh iaka jingrwai Choir na ka Jingiaseng Samla ka Balang Umpling, Pynursla, Nongkrem bad Nongtalang bad la sam ruh ïaka award kaba la tip kum ka ‘Proficiency Award’ sha ki 4 ngut kiba la pass bha bad rung haka thup Top 20 ha ka kyrdan SSLC.