Lahduh ka Meghalaya bad ka Uttar Pradesh: National Level Roll Ball Championship

Syllad | The Rising MeghalayaFebruary 13, 2019

SHILLONG: Ka kynhun ïalehkai jong ka Jylla Meghalaya kiba hapoh ka rta 17 snem kila rah ïaka nam lahduh haka National Level Roll Ball Championship kaba long ha nongbah Kothrud, Pune, Maharashtra.

Ka lympung ïalehkai la pynïaid da ka Ek Bharat Shrestha Bharat jong ka Sorkar pdeng ha naduh Rymphang 1 tarik haduh Rymphang 3, 2019.

Ka kynhun jong ka jylla hapoh ka shatri jong ka Meghalaya Roll Ball Association (MRBA) ki la leit ban aireng ha ka National Level hapoh ka jingïalam jong u Bah Suklang Dkhar General Secretary, Meghalaya Roll Ball Association.

U Bah Suklang Dkhar ula shah jied ruh ban long kum u official ha ka Asian Roll Ball Championship  ka ban long ha ka Rymphang 21-24, 2019 ha Balgavi, Karnataka.

Haka jingïakhun phainal; ka kynhun jong ka Meghalaya kala ïalehkai synroplang bad ka Uttar Pradesh bad kila jop phainal da 4-2 ïa ka kynhun  synroplang jong ka Assam bad Rajasthan.

Ki nongialehkai  ki kynthup ia u Riwan Bhoi, Kyrshanmi Byrloi, Spiriat Khonglah bad u Converson Majaw.

U Bah Suklang Dkhar, ula ïathuh ba watla kane ka jingïalehkai ka dei kaba dang thymmai hapoh ka jylla Meghalaya, hynrei ki khynnah kiba mihkhmat ïaka jylla kila lah ban ïalehkai da ka sur kaba itynnad.

Ka jingïalehkai Roll Ball ka ïa syriem bad ka Basketball lane Handball kaba hap ban phong da ka quads lane inline skates.

 

Picture: Contributed