La weng iaka containment ha Mookyrdup

Syllad | The Rising MeghalayaAugust 20, 2021

U Deputy Commissioner, West Jaintia Hills ula weng iaka micro containment haka dong Mookyrdup kiba la pynngat ha ki ar tylli ki ïing 9 tarik u Nailar 21.

Kine ki ïing kiba la pyndam iaka containment ki dei jong u Bini Shyll bad ka (L) Darling Chyrmang.

Katkum ka report la ong ba la tem iaka jingpur ka jingpang khlam ha kitei ki ïing bad la pyndep ruh iaka Active Surveillance bad ki test ia ki briew kiba lah ban shah ktah na ka jingpang khlam, kumta u DC ula weng mardor iaka containment ha kitei ki iing.