La treikam ka Model Code of Conduct: MDC Elekshon

Syllad | The Rising MeghalayaFebruary 2, 2019

JOWAI: Ka Model Code of Conduct na ka bynta ki ar tylli ki elekshon district council, ka Jaiñtia Hills Autonomous District Council (JHADC) bad ka Khasi Hills Autonomous District Council (KHADC) kala sdang ban treikam naduh ka 2 tarik.

Ka election sha kine ki konsil kan long haka 27 Rymphang bad ka jingniew vote kanlong u bnai Lber 2 tarik.

Ki DC ki dei ki returning officer bad ka sorkar lyngba ka tnad DCA kala hukum ïaki ban pyntreikam hok iaka Model Code of Conduct ban khanglad ïaka jingrah pisa ki kyrtong ban khriing vote. Ki kyrtong kim dei ban rah pisa palat ïaka T.50 hajar shaneng.

Lakhang pyrshah ban pyllait pisa na ka MLA, MP scheme bad la khang ruh ban ai work order na ki ADC fund, ban plie bad ban buh maw nongrim. Katba ka jingkhot tender da ka sorkar kmie bad ka sorkar jylla la pyllait na ka Model Code of Conduct.

Ka sngi khatduh ban thep kyrteng kan long haka Rymphang 7. Ka jingweng kyrteng 9 bad ka jingniew vote Lber 2. Baroh ki MDC constituency kilong 58 Constituency 29 KHADC bad 29 JHADC.

Mynta ka kynti ka jingpynlut jong ki kyrtong MDC la kyntiew na ka T.2.5 lak sha ka T.5 Lak.

Featured Image Sources: Internet