La thaw ïaka All Jaiñtia Mid Day Meal Workers Union

Syllad | The Rising MeghalayaApril 14, 2019

JOWAI: Ban wanrah ïaka bha ka miat jong ki nongtrei bylla sngi ka All Jaiñtia Muster Roll Workers & Labour Union (AJMRW&LU) kala pynlong ïaka jingïakynduh lang ki nongshet ja sngi ïaki khynnah skul-kaba hap haka skim Mid Day Meal bad la thaw ïaka seng jong ki kaba tip kum ka All Jaiñtia Mid Day Meal Workers Union (AJMDMWU).

Ïa kane ka seng AJMDMWU la thaw haka 13 tarik une u bnai haka jingïalang kaba long ha indoor hall ka Dorbar Shnong Ladthadlaboh, Jowai.

Ki nongkitkam AJMDMWU:-

1. President – Ka Kong Rihunmon Lamare
2. Vice President – Ka Kong Krety Dkhar
3. General Secretary – Ka Kong Nela Toi
4. Assistant General Secretary- Ka Kong Lana Laloo
5. Treasurer – Ka Kong Rimika Challam
6. La jied ruh 20 ngut ki dkhot ka Executive Committee.

Kane ka seng AJMDMWU kan hap hapoh ka shatri jong ka All Jaiñtia Muster Roll Workers & Labour Union, Jowai (AJMRW&LU).

Ha kane ka jingïalang ki nongshet ja sngi ki khynnah skul la wan ban ïashimbynta da ki 220 ngut ki longkmie kiba shet ja sngi hapoh ka Mid Day Meal na kylleng ka Rilum Jaintia haka jingïadonlang u Ma Khroo Lamsalangki Pariat President AJMRW&LU, Kong D Ïakai Vice President AJMRWLU bad kiwei ki dkhot ka AJMRWLU.

Ki mat kiba la ïakren ha kane ka jingïalang kalong halor ka jingsiew tulop ïaki nongshet ja sngi kaba tang ₹1000 shi bnai, katba ka rukom trei pat kalong naduh ka 8 baje mynstep haduh ka 4 baje nohphaisngi  naduh ka sngi Nyngkong  haduh ka Thohdieng jong ka taiew.

Ha kane ka jingïalang la shim ïaka rai ban dawa na ka sorkar ban pynkiew noh ïa ka jingsiew katkum ka rukom trei kaba ïaryngkat bad kiwei kiwei kiba bylla sngi.

La rai ban dawa na ka sorkar ban siew thikna ïa ka jingsiew man u la u bnai. Khnang ba kan ïa ryngkat katkum ka kam ba ki trei tista man la ka sngi.