La sdang iaka jingai jinghikai suh jain ba 2 bnai ha training centre ka JHDS

Syllad | The Rising MeghalayaNovember 17, 2022

Ka jingai jinghikai suh jain kaba 2 bnai lynter kala sdang ha Tailoring Center ka Jaintia Hills Development Society ha Lumbihsyntu Mihmyntdu.

Ia kane ka jaka ai jinghikai la pyniaid daka Jaintia Hills Development Society (JHDS) ha ryngkat ka jingiatreilang ka Khublei ka seng treimon sngewbha na Ri Germany. Ka NABARD kala bei pisa ia kane ka jingai jinghikai.

U MLA ka Jowai Constituency u Ma Wailadmiki Shylla haka sngi Palei u la plie paidbah ia kane ka Training Centre bad kumjuh iaka jingai jinghikai ba 60 sngi kaba wan shah hikai da ki longkmie bad samla na ka shnong Sabah Muswang bad Mihmyntdu.

Ha kane ka jingplie ia kane ka shlem ai jinghikai la iadonlang  u Assistant General Manager Ka NABARD u Bah Grevile Kharlukhi, u Skill Deployment Officer ka West Jaintia Hills u Ma Lambormi Suchen bad u Director ka JHDS u Fr. Manbha Pakem. Ia ka prokram la pyniaid da u Coordinator ka JHDS u Bah Denis Kurkalang ha ryngkat ka jingiadonlang ki staff ka JHDS.