La rah iaki diengkhlam na Iawmusiang bad lashai yn pynkut iaka Behdeiñkhlam Jowai

Syllad | The Rising MeghalayaJuly 13, 2019

JOWAI: Ka sngi balai jong ka Behdeiñkhlam ka Raij Jowai kala long kaba iaid beit iaid ryntih. Kane ka Behdeiñkhlam ka Raij Jowai kan kut lashai ka sngi U Blei bad ka khubor ka Behdeinkhlam kalong ban pyrshah ïaka jingkyrni ha ki jingdih pynbuaid bad ka jingktah ka jinglehkai ki khynnah lyngba ka internet, kaba la ktah iaka pule ka puthi jong ki.

Mynta ka sngi Saitjain hashuwa ban rah iaki diengkhlam bad ka Khnong Blai, ki khun ka Seiñraij Jowai (Niamtre) kila mih da ka kynhun ryngkat ka jingsawa ka bom ka tangmuri bad ka kynhoi ka risa da ka dohnud kaba kmen ba shad ha kylleng ki jaka niam jong ka raij Jowai.

Ki samla kynthei bad longkmie haka riam ka beit kaba itynnad kila iamih madan ban peit kai iaka jingshad ki rang samla bad ki rangbah ha shilynter ka Iawmusiang, Biar ka Blai bad kiwei kiwei ki jaka.

Haka por nohphaisngi ki Kmairaij kila rah iaki diengkhlam jong ki ha madan siatthong bad ïaka Khnong Blai ki khonraij kila rah ïaka ha Poh Sawiar ban suit ban shor kaba la pyndep da u Dolloi ka elaka Jowai uba long u khlieh ka niam bad u Kñi Nikhla.

Ha kane ka por baroh ki bom ki tangmuri sangeh bad ainguh ïa u nongbuh nongthaw ban da ban ker sumar ïaka raij ka muluk bad kyrpad ban theh ki jingkyrkhu kyrdoh ia u nongshong shnong ban roi kyrhai.

Hadien bala dep ka suit ka shor ha Pohsawiar baroh ki Kmairaij kila rah iaki diengkhlam jong ki ban pynieng hala ki jong ki jong ki shnong bad ki Khonraij kila rah iaka Khnong Blai ha Madan Moosyiem. U Pator ula kyiad a Kni Nikhla ban suit ban shor.