La pynpra iaka jingkieng iaid kjat ha Jowai

Syllad | The Rising MeghalayaJanuary 15, 2022

Ka bor synshar district jong ka West Jaintia Hills District kala pynpra iaka jingkieng iaid kjat kaba la synjor mynta ka miet ha Jowai.

Kane ka jingkieng iaid kjat ka dei kaba pyniasoh iaki ar tylli ki skul, ka Marianhill Higher Secondary School bad ka St. Mary Mazzarello Girls’ Higher Secondary School, hynrei kane ka jingkieng kala shong synjor bad kam long shuh kaba shngain ban iaid ban ieng ki briew.

Kumban shu pynkynmaw ba ki nongialam shnong bad kumjuh ka synjuk waheh chnong ha Jowai kila dawa ban pynpra ia kane ka jingkieng naduh u snem bala dep.

Ka jingpynpra ia kane ka jingkieng kala iaid shait shait bad la buh ruh ia ka no entry ha baroh arliang ka surok na Iawmusiang sha Ladthadlaboh tad haduh bala dep ban pynpra ia kane ka jingkieng kaba la thmu ban pyndep lashai ka Sngi U Blei.