La pynngat Containment Zone iaka Umjakoit

Syllad | The Rising MeghalayaAugust 6, 2021

U Sub-Divisional Magistrate ka Mairang Civil Sub-Division, Mairang haka sngi Thohdieng ula pynngat ia kane ka shnong Umjakoit kaba hap ha Mairang Civil Sub-Division hapoh ka Containment Zone hadien bala kiew ka jingiabit khlam jong ki nongshong shnong.

Katkum kane ka hukum, yn ym shah iano iano ruh ban rung ha katei ka Containment Zone lait noh ki nongtrei jong ka tnat ka koit ka khiah bad kito kiba la ioh jingbit na u Incident Commander ba dei peit ia kane ka shnong bad baroh ki nongshongshnong ki dei ban shong khop ha la iing,  ki dei ruh ban deng mask tikna, kim dei ban iakhleh bad kiwei pat bad ki dei ban sngapthuh bha lada ki don kano kano ka jingsngewshitmet ne jyrhoh ne dap shadem bad jynjar ban ring ne pynhiar mynsiem. La kyntu ruh iaki ban iashimbynta ryntih ha ka jingtes ia ka jingpang COVID-19 ha ki dong ki jongki da ki nongtrei jong ka tnat ka koit ka khiah ka sorkar jylla.

Shuh shuh, baroh ki dukan kiba don ha ka shnong Umjakoit kin khang lut bad kino kino ki kam shna iing ne shna surok ki dei ban sangeh noh mardor. Kino kino kiba pynkhein ia katei ka  hukum kin shah pynshitom katkum ki kyndon ain jong ka Disaster Management Act, 2005 bad ka IPC.

Lah ban kdew hangne ba haduh bala thoh iaka khubor, ki don haduh 17 ngut ki nongpang COVID-19 hapoh  ka shnong Umjakoit. SDPRO