La pynkut ïaka Sports Meet ka skul St. John Vianney
JOWAI: Ka St. John Vianney School Mulang-Nongbah kala pynhap pyrda ïaka Annual Sports Meet jong ka haka sngi Balang.
U President Jaiñtia Students’ Union (JSU) Lawyerson War ula long kum u kongsan ban pynhap pyrda ïa kane ka sports meet haka jingiadonlang u Phadar Vimal Ray (Parish Priest), Headmaster Fr. Kitbok Lyngdoh Umlong bad kiwei kiwei.
La plie ïa kane ka sports meet haka sngi ba Ar da ka Kong Barisha Muthoh na ka Little Flower English School Ummulong kaba long ruh ka Coordinator Science and Technology West Jaintia Hills District.
Ha kane ka sports meet la pynlong ïaka ïakop Drill bad March Past nalor ki jingiakop mareh bad kiwei kiwei ki jingialehkai.
Ia ka nam best March Past la ioh rah da ka Blue House, Best Discipline da ka Yellow House, Best House da ka Red House, Best Drill Junior da ka Blue House bad Senior da ka Yellow House. Ia ka nam Best Athletic (Boy) la ioh da u Deibormi Hinge, Best Athletic (Girl) la ioh da ka Risamistika Pasi.
Facebook
Instagram
Youtube
Twitter
Leave a Reply