La pynbna ka dorbar Soo Langdoh iaki tarik Behdieñkhlam

Syllad | The Rising MeghalayaDecember 14, 2020

Ka Dorbar Soo Langdoh kaba long haka Sngi U Blei ha Madan Lariang, Madan Soo Langdoh, Ialong kala pynbna iaka tarik Behdieَñkhlam jong ka Raij Chyrmang, Jowai, Tuber bad ka Ialong.

Ha kane ka Dorbar ka nakaliang ki Soo Langdoh ba kynthup ia u Kongwasan Langdoh Chyrmang, Langdoh Jowai, Langdoh Tuber bad Langdoh Ialong kila pynbna iaki tarik Shad Niam Behdieñkhlam jong u snem 2021.

Ka Raij Chyrmang u Kongwasan ula iathuh baka sngi pynkut iaka Behdieñkhlam kanlong haka 28 Iaiong (April), ha Raij Jowai ha u bnai Naitung (July) 8 tarik haduh 11 tarik, ka Raij Tuber pat haka 19 tarik u Naitung (July) bad ka Raij Ialong 12 tarik u Nailar (August).

U Pator ka Raij Jowai waheh Raymon Nartiang  ula pyniaid iaka jingialang bad la ioh iaki kyntien sneng kraw na u Daloi ka Elaka Jowai Wh. Puramon Kynjing nalor ki nongialam jong ki seinraij Jowai, Tuber, Ialong  bad Chyrmang bad ki Langdoh.

Hadien ka dorbar kala don ka jingainguh aidem iaki blei ki Syiem bad ka suit ka shor ha madan Lariang.