La pyllait paidbah iaki ticket Lucky Draw ka Panaliar ban pynmih pisa ban tei indoor sport complex

Syllad | The Rising MeghalayaNovember 13, 2021

U ma Elad Pohshna, Assistant Executive Engineer, MeCEL, West Jaiñtia Hills District, Jowai haka 12 tarik une u bnai ula pyllait paidbah ïaka ticket Lucky Draw Panaliar ka ban pynkhalai haka 11 tarik U Nohprah 2021.

Ka khusnam ka long T.3 lakh, T.1 lakh bad T.50 hajar bad ki consolation prize mar T.10 hajar 3 tylli.

Ia ka fete shnong ka Panaliar yn long haka 10-11 tarik Nohprah 2021.

Ïaka jingïalang la pynïaid da u Waheh ka Panaliar u ma Riquoma Rq. Laloo bad la ïoh ka nguh blei ba u Ram Sumer bad ki kyntien khublei na u ma Careme Phawa, General Secretary ka shnong Panaliar.

U ma Riquoma Rq. Laloo haka jingkren maitphang ula batai ïaki jingïaid lynti ka shnong Panaliar ban wad ki lad ki lynti ban pynmih pisa na bynta ka shnong.

Ula ong ba lyngba kane ka Fete la buh thong ban pynmih pisa na bynta ban tei ïaka Indoor Sport Complex jong ka shnong.

U ma Elad Pohshna ula ïaroh ïaka jingïatylli ki nongshong shnong ha kiba bun ki kam. Ula kyntu ïaki nongshong shnong kumjuh ki nongïalam shnong ban pynneh ïaka jingïatylli khnang ba ki jingthmu ba bha ka shnong kin long kiba jop. Ula kitbok kitrwiang ruh ba ka shnong kan lah ban pyniaid iew iaki ticket khnang ba ki jingthmu ka shnong kin long kiba iaid beit iaid ryntih.