La pyllait khaw rashon ha East Jaintia Hills

Syllad | The Rising MeghalayaFebruary 18, 2023

U Deputy Commissioner (Supply), East Jaintia Hills District u pynbna paidbah ba la pyllait ia u Khaw Ration NFSA na ka bynta u bnai February, 2023 ha East Jaintia Hills District, Khliehriat.

Ka jingsam ka long kumne, ia u Khaw AAY yn sam 35 kilo shiing shibnai khlem da donkam ban siew eiei (Free of Cost), ia u Khaw PHH yn sam 5 kilo shikhlieh shibnai khlem donkam ban siew eiei (Free of Cost), katba ia u Khaw Non- NFSA pat yn sam 7.215 kilo shiing- shibnai haka ka dor Die Lang ka ba long Rs. 12.00 tyngka shi kilo bad ka dor Die Khutia ka bym dei ban palat ia ka Rs. 14.00 tyngka shi kilo.

Kumta, la kyrpad ia ki paidbah ba lada ki lap ba ki FPS Dealer hapoh ki center ki shim da ka dor ia u Khaw ba don ia ka Card Ration AAY bad PHH lait noh ia ka Card Ration Non- NFSA kumba la bthah ne kdew haneng , ki dei ban wan ujor sha u Deputy Commissioner (Supply), ka East Jaintia Hills District lane phone sha u Toll free No. 1697, lane sha u District Grievances Officer ka East Jaintia Hills District.