La plie ïaka jaka treikam ka Dong Salini Colony
JOWAI: Ka Dong Salini Colony kala plie ïaka jaka treikam jong ka dong haka 3 tarik une u bnai haka jingiadonlang ki nongialam shnong bad kiba shong sah hapoh ka dong.
La plie ïa kane ka jaka treikam da u Waheh Dong barim u Ma Roibok Synnah haka jingia donlang u Waheh Dong bathymmai u Ma Phermon Suchen, u Ma Wanly Pohthmi Secretary bathymmai ka Dong bad kiwei de ki nongkitkam ka dong.
Ka jingthmu ban buh ïa kane ka jaka treikam ka dong ka long na ka bynta ban pynsuk ïa kiba sah ba shong hapoh ka dong kumjuh ïa kiba wan nabar dong. Naduh ka sngi Nyngkong haduh sngi Saitjain kino kino kiba donkam ïaki nongialam dong ki lah ban wan ha katei ka jaka treikam naduh ka 7 AM haduh 9 AM.
Facebook
Instagram
Youtube
Twitter
Leave a Reply