La plie ia ka ‘One Stop Centre’ ban ïarap ïaki kynthei ba shah lehbeiñ

Syllad | The Rising MeghalayaMarch 6, 2019

JOWAI: Ka office jong ka District Social Welfare Officer West Jaiñtia Hills District, Jowai   ka la plie ïa ka “One Stop Centre” ha Tpeppale, Jowai haka 4 tarik une ubnai. Ïa kane ka Scheme la bei pisa da ka Ministry of Women and Child Development of India.

U Ma Garod LSN Dykes, Deputy Commissioner, West Jaiñtia Hills District u la long u kongsan ha kane bad ula plie ïa kane ka centre haka jingïdonlang u Bah P Syiem, MPS Additional Superintendent   of police, West Jaiñtia Hills District, Jowai.

Ka kong J Synnah, District Social Welfare Officer West Jaiñtia Hills District, Jowai kala ïathuh halor ka jingtreikam kane ka jaka bad ki lad jingïarap. “Baroh ki longkmie bad ki kynthei ba hapoh 18 snem ka rta kiba shah lehbeiñ ne shah thombor ha ki shynrang ha kiba bun rukom la ha iing ne ha ki jaka trei ne ha shnong ha thaw ki lah ban sha kane ka centre namar ba ka jingthmu hi kalong ai ki lad jingiarap iaki longkmie ki kynthei ba hapoh 18 snen”, la ong ka kong Synnah.

U Kongsan u ma Garod  LSN Dykes  ha   kaba u la  iaroh ba ka jingdon kane ka One Stop Center   ha Jowai  bad u kyrmen ba kane ka centre kan ai ka jingshakri kabab ha tam ban wanrah ka jingkylla haka imlang ka sahlang.