La phah test ia u khaw suba plastic na dukan ba khangtala ka KSU bad MPUF

Syllad | The Rising MeghalayaJuly 15, 2021

U Food and Safety Officer, East Jaintia Hills District Bah NA Lyngwi ula phah test ia u khaw uba suba ba dei u khaw plastic na kawei ka dukan die khaw kaba don ha Moowakhu, Dkhiah West, East Jaintia Hills District.

Ia une u khaw uba suba plastic la shim na katei ka dukan bad la phah sha Guwahati ban leh iaka test ban pynthikna bad kan shim por haduh lai taiew ban ioh iaka report.

Kumban shu pynkynmaw ba ka Ka Khasi Students’ Union (KSU) bad ka Meghalaya Peoples United Front (MPUF) kiba naka shnat treikam Wapung Unit kila ujor sha u DC, East Jaintia Hills bad kynnoh ia katei ka dukan khaw ba ka die ia u khaw plastic haka 7 tarik u Naitung. Kine ki ar seng kila khang ruh ia katei ka dukan.