La lap ïaka met u Dolloi Rymbai bad u kynum jong u na Wah Prang

Syllad | The Rising MeghalayaSeptember 20, 2019

KHLIEHRIAT: Mynta ka sngi ki nongngam um kila lap bad sei ïa iaka metiap jong u Dolloi Elaka Rymbai bad u kynum jong u na Wah Prang.

U Dolloi ka Elaka Rymbai u ma Elios Swer bad u kynum jong u, u Bah Shanbistar Kharkongor bad u Rishanlang Swer kila ngamjyllop hadien bala kylla ka lieng kynda kaba ki shong haka por ba ki leit jurip ïaki jaka ba hap hapoh ka Elaka haka sngi Palei.

Ïa u pyrsa trai u dolloi haduh mynta ki nongngam um kim pat lap satia.

Ha kane ka jingjia lai ngut kiwei kiba leit lang bad u Dolloi kiba na Bataw bad Lama kila lait im ha kane ka jingjia ba ki nang ban jngi.

Ki Pulit ngam um ki ioh shuwa iaka met u kynum jong u Dolloi bad hadien pat kila lap ïaka met u Dolloi haka por kumba 1:30 PM.

Ki nong ngam um ka SDRF, SRT bad ka Fire Service kin bteng ka jingwad ia u pyrsa u dolloi lashai ka sngi.

Ka jingleit ontep ia ka met u dolloi kan long haka 22 tarik une u bnai ha u lum jingtep ka Balang Presbyterian Rymbai.