La ioh jaka kyrpang ki nongdie madan ha Jowai

Syllad | The Rising MeghalayaJuly 3, 2021

Ka bor synshar district West Jaintia Hills District haba pynbna iaka kyndon jingpynjari ban tem iaka jingpur jong ka jingpang khlam COVID-19 ha District kaba la sdang naduh Naitung (July) 3 tad haduh bala pynbna da kumwei bad kala pynjynsur bad ailad ruh iaki nongshong die madan ban die jongdie iaki iew shipor.

Ka bor synshar district kala pynjari ruh iaka curfew miet naduh ka sngi Nyngkong haduh ka sngi Thohideng naduh 5 PM haduh 5 Am.

Kine ki iew shipor kiba la tip kum ki Temporary Vending Zones ki kynthup iaka Iaw Seinraij, Iawmusiang, Iawchyiap (JPC market) Chutwakhu and MTC Parking lot, Iawmusiang.

Ka bor district kala shah ban shong die jingdie ki nongdie madan haduh haduh 20 percent ha kine ki jaka shipor bad ka por ban die jingdie kalongnnaduh 9 Am haduh 3 Pm bad la pynbeit ruh ba ki market committee kin ai da ki number ban die jingdie.

Sngi	Dukan bad Number
Monday / Sngi Nyngkong	1 & 4
Wednesday / Sngi Balang	2 & 5
Friday / Thohdieng	3 &6

U District Magistrate ula bthah iaki Market Committee/ Town Vending Committee bad bud ryntih iaki kyndon harum:

Ban thung bun ki volunteer ban pyntreikam iaki adong adit COVID-19 naduh ban deng mask, social distancing bad ban buh iaki jaka saitkti bad ban pynbiang iaki um.

Ka hukum ka khang pyrshah ban die ha ki jaka iaid paidbah ne ki lynti iaid paidbah (footpath) bad kino kino kiba leh pyrshah kin ngat haka jingshah pynshitom.

Ki nongdie madan kiba la jied da ka Town Vending Committee kan iapynbeit bad ka Market Committee ban ai jaka bad u District urban planner cum Secretary, Town Vending Committee kan ai iaki kyrteng ki nongdie madan sha ka Market Committee / Chief Executive Officer, Jowai Municipal Board.

Kino kino kiba bym bud ryntih iaki jingpynbeit kin shah pynshitom da kaba hap khang iaki iew.