La dep shna ia ki vending zone ban shong palat 200 ngut ki nongshong dukan madan: Paul

Syllad | The Rising MeghalayaMay 3, 2025

U Myntri ka Tnad kam jngohkai ka sorkar Jylla u Bah Paul Lyngdoh ha ka 2 tarik Jymmang u la pyntip ba ka jingpyntrei ia ki vending zone mynta ka la dep lut baroh na ka bynta ban ai shong dukan sha ki palat 200 ngut ki nongshong dukan madan.

Haba kren sha ki lad pathai khubor, u Bah Paul u la ong, “Ka jingpynithuh ia ki nongshong dukan madan ruh ka la dep.Ngi la khmih lynti na ka bynta palat 200 ngut ki nongshong dukan madan ban pynkynriah noh sha kine ki jaka.”

Watla katta u la ong ba namar kane ka kam ka hap hapoh ka jingkhmih jong ka tnad Urban Affairs, kumta ruh na ka liang u Symbud Myntri Rangbah u lah ban ai ia ka jingpynbna ha kaba iadei bad ka por ban pynkynriah ia kine ki nongshong dukan madan.

“Nga la iakren halor kane ka phang bad ki ophisar ka Assembly ha u bnai ba la dep, bad ngi dei ban iohi bad sdang nyngkong eh bad ka Khyndailad ban pynlong kum ka jaka iaid kjat na ka bynta ki paidbah.Ia kane ka kam ruh yn sa pyndep noh shen, hynrei ia ka por kaba thikna lah ban aijingtip da u Symbud Myntri Rangbah,” ong u Bah Paul.