Kyrshan ka JAC Rilum Jaintia ïaka rai jong ka ïing ka sem u Bah (L) Cheristerfield Thangkhiew

Syllad | The Rising MeghalayaAugust 25, 2021

Ka Joint Action Committee jong ka Rilum Jaintia kaba kynthup ïaka Jaintia Youth Federation (JYF), ka All Jaintia Commercial Vehicle Association (AJCVA), Rilum Jaintia Traders’ Association (RJTA), Hynniewtrep National People’s Front (HNPF) bad Meghalaya People’s United Front (MPUF) ki la shim ïaka rai ban kyrshan pura ïaka rai jong ka ïing ka sem u Bah (L) Cheristerfield Thangkhiew ban pynneh ïaka shongsuk shong saiñ hapoh ka Jylla.

Ka JAC Rilum Jaintia haka jingshong jingïalang kaba kyrkieh ka la rai ban nym pynlong kino kino ki jingïakhih ha kaba ïadei bad kane ka mat khlem da don ka jingïasngewthuh jingmut bad ka ïing ka sem u Bah (L) Cheristerfield Thangkhiew.

Ka JAC kan ap ïaka Judicial Inquiry bad lada ka ïing ka sem jong u Bah Che ka sngew donkam ïaka jingïatreilang ka JAC ka long ka ba la kloi ban ïadonlang.