Kyntu ka HITO ban pynbeit ia u pud u ang ka shnong Jowai

Syllad | The Rising MeghalayaJune 11, 2024

Ka seng HITO haka 10 tarik Jylliew kala leit ban iakynduh ia u Dolloi ka Elaka Jowai Ma Puramon Kynjing hadien ba kala sakhi iaka jingbymbiang u pud u sam jong ka shnong Jowai.

Ha kane ka jingleit iakynduh ia u Dolloi la ialam da u president ka HITO West Jaiñtia Hills, u Owan S Paswet nalor kiwei kiwei ki dkhot.

Hadien kane kila leit ban aiti iaka dorkhat sha u CEM,JHADC ban shimkhia halor kane ka kam namar ka buh jingeh hadien habud lada ym lah ban pynbeit ia u pud u sam.

Shuh shuh kane ka seng kala ong ba katkum ka jubab RTI la lap ba ki don tang 3 tylli ki shnong kiba ym pat biang u pud u sam bad ki kot ki sla. La ong ruh ba nakaliang u Dolloi Jowai ula dep thung iaka Elaka Boundary Committee.

Ka jubab RTI ka ong ba tang u Dolloi, u Sirdar bad ka Executive Committee ka JHADC kiba lah ban pyneit ia pud jong ki shnong.