Kyntu ia ki FPS ban pyndep iaka e-KYC ki nongioh myntoi khaw NFSA ha East Jaintia Hills

Syllad | The Rising MeghalayaApril 17, 2025

U Deputy Commissioner (Supply), East Jaintia Hills District lyngba u kyrwoh u la kyntu ia baroh ki nongsam rashon ne Fair Price Shop Dealers (FPS) hapoh ka District ba ki dei ban pyndep halor ka jingleh ia ka e-KYC na ka bynta ki nongioh jingmyntoi na ka NFSA hapoh East Jaintia Hills hapoh ka 30 tarik Iaiong 2025.

Katkum ki jingtip ba la ioh na u Director, Food Supplies & Consumer Affairs, Meghalaya katkum ka Shithi No. DSCA/TMD/13/2023/PT-I/296, Dated, 1 tarik Iaiong 2025 bad ka jingpynrung hapoh jong ka, kata ka shithi  No. 23(5)/2015-CompCell (E-323743) New Delhi 25-03-2025 kaba la kdew ba ki don shibun ki nongioh jingmyntoi lyngba ka NFSA ha baroh ki District bad Sub Division ki bym pat shym la pyndep ia ki eKYC jong ki bad kiba donkam ban pyndep noh ia ki e-KYC hapoh ka 30 tarik Iaiong 2025.

Kumta la kyntu ia ki nongsam rashon ba kin pyndep noh ia ka jingleh ia ka e-KYC na ka bynta baroh ki nongioh jingmyntoi khamtam kito kiba la ai ia ki Aadhaar Card jong ki ha lane shwa ka 30 tarik Iaiong 2025.