Kyntait u Prestone iaka jingkynnoh bamsap thied jaka ha Mawpdang

Syllad | The Rising MeghalayaFebruary 22, 2023

U national vice president ba dei artad u symbud Myntri Rangbah ka jylla  u bah  Prestone Tynsong mynta ka nsgi Hatmajai jong ka taiew,u la kyntait war ia ka jingkynnoh u nongialam ka liang pyrshah u Dr Mukul Sangma haba iadei bad ka jyrsieh bamsap kaba la mih na ka jingthied ia ka jaka ha ka shnong Mawpdang kaba la kot sha ka T. 140 klur tyngka.

 Haba kyntait ia kane ka jingkynnoh u bah Prestone, u la ong pynban ba une u nongialam u la pynlut bun bha ka por tang ha kaban shu kynnoh ia kiwei ki seng sain pyrthei kaba pyni shai kdar ia ka ak ka shin jong ka jingsdang hiar arsut ka jong u.

“Kane kam dei ka bamsap, kumno phi nud ban ong ba ka kan dei ka bamsap, kaei katta ka jait bamsap kaba u Dr Mukul u kren , namar ba baroh ki kam ki la  iaid kat kumba kidei ban iaid, ha kaba ka jingthew jingwoh la leh na ki bor synshar jong ka distrct, ym  ba ngi la shu leh matlah da ma nga ne u Conrad”la pynshai u bah Prestone haba kren bad ki lad pathai khubor.

Hynrei na ka liang u bah Prestone u buh jingkylli kylla ia ka jingthmu ba sha lyndet jong u nongialam ka liang pyrshah ha kaba u la kynnoh ba u la bunkam tang ban shu kynnoh ia ka sorkar MDA, ha kaba u la ong ba u ima pynban ba lehse u Dr Mukul u lah ruh wat ban rem ha kane ka elekshon mynta ka kynti.

Shuh shuh u bah Prestonbe u la ong ba une u nongialam ka liang pyrshah un shu iai bunkam ban shu sei madan ia ki har rukom ki jingkynnoh iaka NPP kaban iai neh haduh ka 26 tarik bad ha ka 27 tarik i mat un sa ioh pat ba un thiah suk, ha kaba un nym sei madan shu ia ki jingkynnoh namar baka dei artat ka sngi ba ka jingthep vote kan kut ha ka por 4 baje janmiet.