Kyntait ka Seng Kur ia ka jingkynnoh sam pisa

Syllad | The Rising MeghalayaFebruary 26, 2019

JOWAI: Na daw jong ka jingshah kynnoh sam pisa ia uwei na ki dkhot jong ka kur jong ki, U Bah Kamwamut Pala uba long U Secretary ka Seng Kur Pala, Ummulong Unit u la kyntait mardor ia ka jingkynnoh ba u kur jong ki u Bah Briwon Pohshna ula don bynta ban sam pisa na ka bynta ban thied vote.

“Kat kum ka khubor kaba la mih ha ka 25 tarik mynta u bnai, ha kaba iadei bad ka jingujor ia ki ar ngut ki Rangbah  (Briwon Pohshna bad  Welly Muksor ) kiba shah kynnoh sam pisa katkum ka jingujor FIR bala leit rah ha Ummulong Beat House haka 23 tarik mynta u Bnai da u Bah Klinsman Lamare uba long u Election Agent ka seng Congress na Ummulong Moodymmai Constituency.

U Secretary ka Seng Kur Pala u la pynrem jur ia kane ka jingkynnoh ka bym shong nongrim ia kine ki Rangbah khamtam eh ia u Bah Briwon Pohshna uba long ruh kum u Kpa ha ka kur.

Ula ong namar katkum ka jinglap jong ngi kum ka Seng kur um dei u briew uba sngewtynnad ban leh ia kino kino ki kam kiban pynthohbria ialade, ka kur ka jait bad kumjuh ia ka shnong ka thaw hi.