Kynnoh u nongwad RTI ba dain kuna palat pud ka Tnad pulit ia ki kali tah iit iong

Syllad | The Rising MeghalayaOctober 12, 2024

U nongwad RTI ba pawkhmat ka Jylla u Bah Disparsing Rani ha ka 11 tarik u Risaw u la kynnoh ba ka Tnad pulit ka Jylla ka la dain kuna palat pud pyrshah ia ki kali tah iit iong.

Haba kren sha ki lad pathai khubor, u Bah Disparsing u la ong ba u la pan RTI halor ka jingpyndonkam ia ki iit iong lane ki black films’ da ki kali.

“Katkum ka Motor Vehicles Act, 1988, ka jingpynshitom kaba nyngkong pyrshah ia kiba tah iit iong ka long da ka kuna kaba T.100, hynrei hangne ha Meghalaya ki la dain kuna ia kiba pynkhein ain haduh T.1000 haduh T.2000,” u la ong.

U la kam ruh ba ki don ki sakhi satar ha kaba iadei bad kiba kum kine ki jingleh. “Ia ka RTI la phah lyngba u Lat ka Jylla bad nga dang ap shuh shuh ia ki jingtip halor kane ka phang,” ong u Bah Disparsing.

Dang shen, u Superintendent of Police ka East Khasi Hills, u Bah Sylvester Nongtnger u la pyntip ba ka pisa baroh ba la ioh lum na kaba dain kuna ia ki 1,788 tylli ki kali tah iit iong ha ka nongbah Shillong ka long T. 13.35 lak, kata naduh ka 1 tarik u Naitung haduh ka 6 tarik u Nailur ba ladep. Na kine 30 tylli ki dei ki kali Sorkar.

Katkum ka jingpynpaw ka jong u, u Bah Rani u la ong ba ka Iingbishar Supreme Court lyngba ka jingshim bishar ka la khang pyrshah ia ka jingpyndonkam iit iong, kata la kilong katno katno ka percentage, Visual Light Transmission (VLT) ha ki safety glass, windscreens (shakhmat bad shadien) bad ki side glass kumjuh.

Pynsah ram ka Tnat Pulit haduh 10 klur ba wai ia ki kali paidbah ha ki 10 tylli ki District

Na ka liang ka Tnat pulit ka la iai ban ba ka jingkhynra pyrshah ia ki kali tah iit iong kan dang iai bteng, kata kynthup ia kiwei pat ki jingpynkhein ia ka MV Act bad ban pynshitom ia kiba pynkhein ain.

Katkum ka jingpynpa jong u SP, kata kutkum ka jingbthah tang kawei ka kali jong u Myntri ne MLA la shah ban tah iit iong bad ba ka committee ka la don lypa ban bishar ia ki case na ka bynta ban shah ban tah iit iong ia ki kali. Ia kane ka committee la pynskhem ha ka 21 tarik u Jymmang ba la dep.