Kynmaw burom ka ABVP iaka lyngkhuh sngi iap u Capt. Keishing Clifford Nongrum

Syllad | The Rising MeghalayaJuly 1, 2020

Ka Akhil Bharatiya Vidyarthi Parishad (ABVP), Meghalaya kala kynmaw burom iaka lyngkhuh sngi iap ba 21 u Capt. Keishing Clifford Nongrum uba la pha iaka jingiam haka thma Kargil.

Ka ABVP Meghalaya haka jingdonlang ryngkat u Bah H. Thabah, Incharge jong ka Rilbong Beat House mynta ka janmiet haka por 6.30 kila pynlong ia ka jingkynmaw burom ia u ne u riewshlur bad riewkhraw ka Ri, ha Rilbong.

U Capt. Keishing Clifford Nongrum u dei u khun bashlur ka ka Jylla, uba khlad haka thma Kargil ha Batalik sector ha ka 1 tarik Naitung 1999. U long u Army Officer jong ka 12 Jammu bad Kashmir Light Infantry ( 1997-1999) da ka jinglen lade bad jingshlur jong u ba lah ban ioh biang ia ka point 4812 jong ka Batalik Sector. Ka sorkar India hadien ka jingkhlad jong u ka la pynkup burom riewshlur Mahavir Chakra kaba ar ha ka kyrdan riewshlur jong ka ri India.

Ha kane ka sngi kynmaw burom ka ABVP ka buh ruh ha ki jingduwai ia ki ba ha iing ha sem jong u ne u riewkhraw bad kyrmen ba ki khun samla ka ri kin ioh ka mynsiem ban bud iaki nuksa ba bha, jingshlur bad jinglenlade jong u naka bynta ka Ri.