Kylla khongpong ka kali mynsaw jur 4 ngut kynthup ki khynnah skul ha Mukhla Shohshrieh

Syllad | The Rising MeghalayaJune 7, 2024

Saw ngut ki khynnah skul na kawei ka skul ha Mukhla kila shitom jur hadien ba ka kali Maruti Alto kaba ki shong kala leit ban tynrah ia u diengkseh bad kylla khongpong harud ka surok ha Mukhla Shohshrieh.

Kane ka la jia haka por kumba 3.30 baje nohphai sngi haka 7 tarik Jylliew hadien ba wai skul bad leit phai noh sha la shnong sha Myrjai.

Ka khubor pulit ka iathuh, ba kane ka jingjia ka lah ban dei na ka jingpynher sted jong u nongniah ia kane kali Maruti Alto kaba don ia u registration no ML04 C 2302. La suba ba u nongniah kane ka kali um lah shuh ban tehlakam iaka kali bad leit tynrah ia utei u diengkseh bad kylla khongpong noh hajan ka nala.

Ha kane ka jingjia ki paidbah kiba iohi kila iarap ban pynkit sha Ummlong CHC bad hadien pat la pynkynriah sha Woodland WK Hospital ia baroh kine ki saw ngut ba kin ioh iaka jingsumar.

Baroh kine ki saw ngut ki dei na ka shnong Myrjai bad mynta ki don hapdeng ka jingshah sumar.