Kylla ka trok dewiong, trei ka block ha surok Shillong Jowai, na Nartiang leit kiba thoh eksam Nurse

Syllad | The Rising MeghalayaSeptember 21, 2024

Tang namar ka jingkylla jong kawei ka trok kaba kit dewiong ha Wah Mynsoo, Mookyndur ka bynta jong ka surok Shillong Jowai kala wanrah ka jingsahkut bad dheng kali kaba jur kaba la ktah baroh shi sngi haka 21 tarik Nailur.

Kane ka jingkylla kane ka trok bad ka jingsniew kawei pat ka trok kala nang pynjur iaka jingsahkut ki kali ha kane ka bynta jong ka surok kaba khun bha.

Bun na ki nongiakhun eksam na ka bynta ka Staff Nurse bad ANM kila hap ban iaid na kawei pat ka lynti, kata na Nartiang, Bamkamar, Bhoirymbong bad iaid lyngba na Umiam ban poi sha sor Shillong.

Haduh ba thoh iaka khubor dang bun bah kiba sah kut haka dheng kali namar ba kala ktah shaduh Jowai Bypass. Nalor kata bun ngut ki riew paidbah kiba thmu ban leit sha sor Shillong kila wanphai khlem poi sha ka jaka kaba ki thmu.