Kylla Bom U Hoping U Winning

Syllad | The Rising MeghalayaFebruary 5, 2019

0 Shares

JOWAI: Arngut ki kyrtong jong ka Kti (Indian National Congres) kila bujli noh ïaka sopti jong ki sha ka Bom (United Democratic Party).

Kine ki kyrtong ba pynmih ka kti ki kynthup ïa u Winning Garland Sungoh na 14-Mowkaiaw bad u Hopingstone Bareh na 24 Sutnga Narwan MDC Constituency.

U Winning Garland Sungoh, u MDC ka 14-Mowkaiaw Constituency, hadien ba u kyrtong ka UDP, u Eleazer Christopher Dkhar ula kynran dien ban ïakhun ïaka elekshon sha ka ïing dorbar ka JHADC mar mar ula rung sha ka UDP.

Une u MDC ha ka juh ka por ula iehnoh ïaka jinglong dkhot naka Congress bad la pdiang burom ïa u da u President UDP West Jaiñtia Hills u Ma Moonlight Pariat, u kyrtong UDP na Jowai South, u General Secretary UDP u Kitbok Nongtdu u ban iakhun elekshon Jowai Central, U Marki Mulieh MDC Jowai North haka jingïadonlan u Eleazar Christopher Dkhar uba la rai ban kyrshan ïa u Winning.

Ki nongkyrshan ka UDP na Mowkaiaw bad u MLA ka thaiñ u ma Nujorki Sungoh kila pdiang ïa u Winning bad la ong ba kan nang pynkhlain ïaka party UDP.

“Nga shim ka kabu ban rung sha UDP ban ïoh ïatreilang bad u MLA naka bynta ka roi ka thaiñ, Mowkaiaw, Mukhap bad Mowtyrchiah (Le Mow)”, la ong u Winning.

U Hoping Stone Bareh, MDC Congress na 24 Sutnga Narwan ula pynïasoh ïalade sha ka UDP haka taiew badep.

Lah ban pynkymaw ba ka elekshon sha ka ïing dorbar thawaiñ ka JHADC bad KHADC kan long ha u Rymphang 27 tarik, hynrei tang ka elekshon kam pat sdang ka sopti la dep bujli.