Kut noh ka lehniam Behdeiñkhlam ba nyngkong ka rilum Jaintia

Syllad | The Rising MeghalayaApril 28, 2021

Ka lehniam Behdeiñkhlam jong ka Raid Kongwasan Chyrmang ba kynthup iaka shnong Iongnoh bad ka Chyrmang kala poi noh sha kaba kut haka sngi Balang hapdeng ka jingiphuh iphieng.

Kane jinglehniam jong kane Raid ka dei kaba ju leh nyngkong nyngkong eh ha rilum Jaintia.

Mynshem ia kane ka Behdeiñkhlam ym shym la lah ban pynlong namar ka jingkhangdam COVID-19.

Kane ka jingleh niam Behdeiñkhlam ha katei ka Raid kadei kaba kongsan, namar dei hadien ba kila pyndep ia kane ka jinglehniam ki nongshong shnong kin leit ban bet ia u symbai u phniang sha ki hali ki pynthor.

Kane ka jinglehniam kala sdang da ka jingknia Ryngkaw, pynbud sa ka Chad Iung- ka jingleit shad sha ki rympei ing jing ki khun ka Raid ryngkat ka jingsawa ka bom, ka tangmuri bad kiwei kiwei ban duwai phirat ryngkat ka suit ka shor.

Mynta ka kynti ki khun katei ka Raid kila wanrah haduh 9 tylli ki rot ha Aitnar da ka shnong Chyrmang bad ka shnong Iongnoh hadien bala dep bret iaki ha aitnar.

U MDC ka thain U Saron Pasweth, u Dolloi Elaka Jowai Puramon Kynjing, u president seinraij Tuber u Harwis Phawa nalor kiwei kiwei kila sakhi ia kane ka shad niam Behdeiñkhlam.