Kut noh ka jingrakhe san snem ka RKSK da ka ïakop ‘rang &’thei bha briew

Syllad | The Rising MeghalayaFebruary 14, 2019

JOWAI: Ka District Medical & Health Officer West Jaiñtia Hills District kala pynhap pyrda ïaka jingrakhe dap san snem ka jingpyntreikam ïaka skim Rashtriya Kishor Swasthya Karyakram (RKSK) da ka jingïakop ‘rang bad ‘thei bhabriew haka sngi Palei ha District Library Auditorium, Jowai.

Ïa kane ka ïakop bha briew la tip kum ka Miss & Mr Chrysalis. Na ki ‘thei bhabriew; ka Rimaya Passah jop ïa kane ka jingïakop, ba ar ka Payadani Lhuid bad ka Sima Lamin kala ïoh ïaka nam lahduh balai.

Naki ‘rang la ïohrah da u C. Vivian Rymbai, ba ar u Jeremy Talang bad ka nam balai u Samuel Shylla

Kum ka rukom la don ka jingpyni riam ‘Traditional Round, Casual Round’ bad ka ‘Question-Answer Round’

Ha kane ka jingïakop ïadonlang u Ma MC Rymbui, Waheh Shnong Lion Mission Compound, ka Dr. VJ Laloo District, Nodal Officer RKSK, Hameshaniah Suiam RKSK Brand Ambassador bad kiwei kiwei.

U Ma Rymbui haba kren kum u kongsan ula kyntu ïaki samla ban sumar syndong ïaka akor ka burom bad ban kiar na ki jingmmlien ba sniew, kiba ktah ïaka imlang ka sahlang.

Ka Daina Tongper na ka District Mental Hospital, Jowai kala kyntu ïaki samla ban peit sha kiba bha tam haka jingim bad ym dei ban duh jingkyrmen haka jingim nalor ban long kiba la kloi ban iarap ïaki briew kiba don jingpang haka bor pyrkhat bad ban ïasyllok bad ki ban kin ïoh jingsumar.

Ka RKSK ka dei ka skhim naka bynta ki khynnah bad kiba sdang samla kaba la mang kyrpang ban hikai ba kin bam ïaki jingbam kiba tei ïaka met ka phad, ban pynbha haka kha ka pun nalor ban lait na ki jingmlien ba sniew bad kiwei kiwei bad kumjuh ban hikai iaki samla ban kilong ki myntoi ka imlang ka sahlang.