Kut noh ka Behdeiñkhlam ka Seiñraij Ialong

Syllad | The Rising MeghalayaAugust 15, 2019

JOWAI: Kumba ju long manla u snem ka Seiñraij Ïalong bad Wahïajer kila pynkut noh ïaka lehniam Behdeiñkhlam haka madan Aitnar ne Tre Pyrda ka Ïalong haka sngi Palei.

Da spah spah ngut ki paidbah na kylleng kila wan ban sakhi kynthup ïa u Myntri ka tnad Transports bad kiwei, u MLA Jowai ma Wailadmiki Shylla, u MLA ka Sutnga Saipung u Ma Shitlang Pale, u Prof. Henry Lamin, ki MDC bad kiwei kiwei.

Mynta ka kynti la wan pynpoi 11 tylli ki rot da ki khun ka Niamtre Ialong bad Wahiajer ha madan Aitnar ne Tre Pyrda.

Ki khun ka Niamtre kila ïashimbynta da kaba shongshit shongkun ban beh ïaka sniew ka smeh ka imlang ka sahlang ha ryngkat ka nguh ka dem haki blei ki syiem ban ïoh ka koit ka khiah bad ka roi ka par.

Hadien bala dep ban bret iaki rot la don ka lehniam Tyngkhain Bhang, lehniam Knia Khlam kaba la leh ha Khloo Blai (‘Law Kyntang) kaba la tip kum ka Wah-Bhang kaba la pyndep da Lyngdoh, Wasan jong ka raij.