Kut noh ka 1st West Jaintia Hills District Wushu C’ship; paw ka sap ba tbit ki khynnah ialehkai martial arts

Syllad | The Rising MeghalayaDecember 8, 2024

Haka sien kaba nyngkong ha sor Jowai, la pynlong iaka rynsan ialehkai martial arts – Wushu kaba tip kum ka 1st West Jaintia Hills District Wushu Championship kaba shisngi na ka bynta ki shynrang bad kynthei.

Ia kane ka rynsan ialehkai la pyniaid da ka West Jaintia Hills District Wushu Association ha Vianney Hall Marianhill Jowai haka 7 tarik Nohprah, haka jingdonlang u District Sports Officer (DSO) Ma Khroobok Passah kum u kongsan Passah kum u kongsan bad u Vice President WJDSA Ma Patrick Lamare kum u symbud kongsan.

Kila don haduh 43 ngut ki nongialehkai na West Jaintia Hills District kiba wan iashim bynta haka kyrdan Sub Junior, Junior (Boys & Girls) bad Senior (Men & Women).

Ka thong jong kane ka rynsan ka long ban sei madan ia la ki rang bad ki thei ialehkai ba kynsai ban khreh ban mih khmat iaka District shaka Meghalaya Games 2025 ka ban long ha Jowai-Wahiajer.

U Khroobok Passah haka jingkren kum u kongsan ula ong, wat la kadei ka sien kaba nyngkong, hynrei la lah ban sei haduh 43 ngut ki nongialehkai ban iashim bynta ha kane ka rynsan iakhun bad kan long ruh u maw maw kyndon ban jam shakhmat namar ka Wushu kadei kawei na ki Olympic Sports kaba don iaka lawei.

Hadien ka jingialang u kongsan nalor kiwei kila sam khusnam bad syrnod sha baroh ki nongjop.

Haba phai shaka jingiakop haka kyrdan Sub Junior – 45 Kg u Courticus Synnah ula wan nyngkong, Hameki Dhar ba ar bad ba lai Kheinburommiki Langbang bad Restarwell Phawa. Haka – 48 Kg, nyngkong Meoris Tang bad ba ar Eisalanki Lyngdoh. Haka – 52Kg iaka nam nyngkong la ioh da u Alanki Biam, ba ar Nehemaia JJ Tariang bad ba lai Jack Issac Lyngdoh.

Haka kyrdan Junior – 48 Kg ba nyngkong Fourly Phawa bad ba ar Emiki Tariang. Haka – 52Kg nyngkong Banshanlang Lakashiang, ba ar Teimiki Langbang bad ba lai Livingson Pasi.

Haka – 52 Kg nyngkong Chemi Nongpluh, ba ar Ribaitki Phawa bad ba lai Mebanker Manner bad Stevenson Maskut. Haka – 65Kg la jop da u Rememberme Myrchiang bad ba ar Reuben Pyrtuh.

Haka kyrdan Senior – 48 Kg nyngkong Rismenki Lyngdoh, ba ar Lambhakidame Lamare bad ba lai Grateful Lyngdoh bad Marwi Khyrim.

Haka – 52 KG, nyngkong Rubing Lyngdoh, ba ar Aibanburomlang Suchen bad ba lai Ribatshan nehtre Dkhar bad Juhki Ladia. Haka – 56 Kg nyngkong Rimiki Rymbai ba ar Damangkupar Rymbai. Haka -60 Kg nyngkong Marboodki Myrchiang, ba ar Divasia Rymbai bad ba lai Fermin Suchiang bad Banshan Papeng.

Haka – 65 Kg nyngkong Ebanezer Tang, ba ar Ewanmidaoo Pyrtuh bad ba lai Lamjingsuk Phawa bad Eramus Dkhar.