Kurup masi 128 tylli kiba thmu shalan sha Bangladesh

Syllad | The Rising MeghalayaMarch 13, 2020

U Superintendent of Police, West Jaintia Hills ula pyntip ba ki shipai BSF kila ïoh kurup haduh 105 tylli ki masi naka khappud India Bangladesh ha Dawki kiba thmu ban shalan tuh sha Bangladesh.

Ïa kine ki masi la kurup haka 2 tarik, 3 tarik, 4 tarik, 6 tarik bad 9 tarik une u bnai, katba ki dang pahara ïa u pud u sam jong ka Ri ba hap ha u pud jong ka Dawki Police Station.

Katba ki shipai BSF na East Jaintia East Hills kila ioh bat lai tylli ki trok pick up kiba kit haduh 23 tylli ki masi kiba thmu ban shalan beaiñ sha Bangladesh haka 8 tarik une u bnai na jingkieng Sunapur, East Jaiñtia Hills District.

Halor kane ki shipai kila dep mudui ïaka jingujor ejahar ha khmat ki Pulit jong ka Lumshnong bad Dawki.