Kurup ki BSF bun tylli ki muid bad ki tiar ba thmu khaii tuh sha Bangladesh

Syllad | The Rising MeghalayaSeptember 18, 2024

Ki shipai Border Security Force (BSF) ka Meghalaya ki la lah ban pynpulom noh ia ki jingthmu khaii tuh da kaba ioh ban kurup noh ia bun tylli ki muid bad kiwei pat ki tiar na ki bynta khappud jong ka ri.

Ha ka jingkhynra kaba la long ha ka 17 tarik Nailur, ki BSF ki la ioh ban kurup noh haduh 12 tylli muid lem bad kiwei pat ki tiar kiba kot sha palat T.16 lak na ki bynta jong ka BOP Hawaitilaia ia kiba la thmu ban khaii beain shapoh Bangladesh.

Hadien ba la ioh ia ka jingtip kaba bniah ki BSF na ka tnad193 Bn BSF Meghalaya ki la ioh ban kurup noh ia shibun bah ki mar bam bad kiwei pat ki tiar na ki bynta khappud ka East Khasi Hills.Ia kine ki mar ba la ioh kurup la aiti noh sha ka tnat custom na ka bynta ban leh shuh shuh ia kaba donkam.

Nalor kine ki jingkhynra, ki BSF na ka 200 Bn ki la ioh ruh ban kurup noh ia shibun bah ki jain ki nep ia kiba la thmu ban khaii tuh sha Bangladesh lyngba ki jaka khappud ka Meghalaya.