Kurup drok YB Tablet, iohkem 2 ngut na Namdong

Syllad | The Rising MeghalayaNovember 23, 2024

Ki pulit ka Saitsama Outpost kila kurup haduh 9800 tylli ki dawai kuli (Yaba Tablets) ba khia 980 gram na ki san tylli ki jingsong plastic bad iohkem iaki arngut ki briew kiba suba donkti ha kane ka kam haka 23 tarik Naiwieng.

Kine ki arngut kiba shah kem ki dei u Samsul Hoque bad Sophikul Islam kiba na ka shnong Nagaon, Assam, katba u u nongniah ula lait phet.

U Superintendent of Police, West Jaintia Hills ula iathuh ba ki paidbah nongshong shnong ka Namdong kila ioh ban bat ia kawei ka kali kaba don ia u number AS01-FF-3524 kaba kit iaki suba mar beaiñ.

Mar mar ki pulit jong ka Saitsama Police Outpost kila hiar sha katei ka jaka bad haka jingtohkit ki la lap 5 tylli ki jingsong kiba don iaki Yaba Tablet.

Baroh kine ki tablet kiba la ioh kurup ki don kumba 9800 tylli haka jingkhia kaba 980 gm. Halor kane ka jingtohkit ki pulit kala iaid shakhmat.