Kop ka NPP ban thaw ïaka EC ha ki ar konsil: Election MDC

Syllad | The Rising MeghalayaFebruary 5, 2019

0 Shares

SHILLONG: Ka National People’s Party NPP kala kop ban ïoh thaw EC ha baroh ar tylli ki konsil, ka KHADC bad JHADC hadien ka elekshon kaban long ha ka 27 Rymphang.

“Ka NPP kan thaw ïaka EC ha baroh ar ki konsil”, ong u Bah Prestone Tynsong uba long u Symbud Myntri Rangbah ka Jylla haka sngi Ba Ar haba kren bad ki nongthoh khubor haka jingsynran ïaki kyrtong NPP kiba thep kyrteng ban ïakhun elekshon sha ka ïing dorbar thawaiñ ka KHADC.

Kine ki kyrtong ki kynthup ïaki MDC ba mynta u Bah Pyniaid Sing Syiem na Sohryngkham, Jansing Tynsong na Lyngkyrdem-Laitkroh bad kiwei kiwei kiba thep kyrteng ha East Khasi Hills District.

U Bah Prestone ula ong ha KHADC ka NPP kala pynieng kyrtong 18 ngut bad ha JHADC 29.