Kner jingiarap ka JSU Nartiang sha ki khynnah ka World Mission Children Home

Syllad | The Rising MeghalayaJuly 7, 2020

Ka JSU Nartiang Circle kala kner laka kti jingiarap jong ka sha ki khynnah khunswet ka World Mission Children Home, Nartiang da kaba sam da ki marbam ha ka sngi ba Ar.

Kine ki marbam ki dei u khaw, ka phniang, u piat, u phan bad kiwei kiwei ki tiar.

Ha shwa ban aiti ia kine ki mar bam la don ka jingialang kaba lyngkot kaba pyniaid da u Tbn A Waniang. La ioh ka jingkren na u General Secretary JSU Central Body u Jersom Shylla, uba la ai ki kyntien sneng kyntien ai mynsiem ia ki khynnah khunswet kiba don ha kane ka jaka ri khunswet.

“Ha kane ka jingkhang khyrdep jong ka sorkar ban iakhun pyrshah iaka khlam COVID-19, ngi la leit ban ai jingiarap ha kiba bun ki jaka katba ngi ioh ei kum ka dak ban kyrshan ia ki para briew kiba shem jingeh,” la ong u Jersom.

Ha ka juh ka sngi ka JSU ha kane ka juh ka sngi kala pynthymmai ruh ia ki nongkitkam ka JSU Rakabah Unit.

U J Shylla ula pynskhem ia kine ki nongkitkam ba thymmai ka Rakabah haka jingiadonlang u Publicity Secretary JSU u T Mukhim, u Waheh shnong ka Rakabah H Sari, Secretary Chnong S Khynriam, President ka Nartiang Circle N Mukhim General Secretary S Sumer bad kiwei kiwei.   

       

Ki nongkitkam ba thymmai jong ka JSU Rakabah Unit:
President- Trebor Lamin.
Vice President- Fready Mukhim.
General Secretary- Shinil Sari.
Assistant General Secretary- Kyrshan Sari.
Finance Secretary- Arkini Nongtdeh.
Publicity Secretary- Sakhiathi Mukhim.
Organising Secretary- Dikinson Khynriam.
Sports Secretary- Mewanshai Sariang.
Education Secretary- Damechwa Phalangki.
Saw ngut ki Executive Member.