Kiew ka bai thang bording, khot jingialang paidbah KSU ha Khliehriat

Syllad | The Rising MeghalayaNovember 30, 2024

Da ka jingsngewkhia halor ka jingkiew ka bai thang bording ha East Jaintia Hills District, ka Khasi Students’ Union (KSU) EJHDU kala khot iaka jingialang paidbah ban iathir sani haka jingiadonlang ki engineer ka MeEPCL.

Kane ka jingialang paidbah kan long haka 5 tarik Nohprah ha Khliehriat.

Lah ban pynkynmaw ba na ka liang ka KSU dansghen kala iakynduh ia u Executive Engineer ka MeEPDCL East Jaiñtia Hills District ban iakren halor kane ka mat, uba la pynpaw ba ka dei ban don ka jingialang shisien bad baroh ki Rangbah shnong ha kawei ka jaka ban ioh pynshai paidbah halor ka jingkynnoh ia ka jingkiew ka jingsiew bill light.

Halor kane ka KSU kala shim ia kane ka sienjam ban khot hi noh ia kane ka jingialang paidbah hadien ka jingud jingnam u paidbah bad la khot la wer ia baroh ki nongshong kiba sngewkhia halor kane ka bynta ban wan sha ka jingialang ban ioh iaka jngpynshai na ki engneer ka MeEPDCL ban ioh jingtip halor ka hok ki nongpyndonkam bording, ka rukom siew, bad kiwei kiba ka tnad MeECL ki dei ban leh.