Ki samla ba pass eksamin Home Guard report haka 24 bad 25 tarik Naiwieng

Syllad | The Rising MeghalayaNovember 19, 2020

Ka Directorate jong ka Civil Defence & Home Guards, Meghalaya, Shillong ka bthah ia baroh ki samla kiba la jop ia ka eksamin kam ha ka post Guardsman, Driver bad NCE (Non Combatant Employee) ba ki  dei ban leit report sha ki ophis Home Guards ba don ha ki district ha kaba iadei bad ka appointment bad ka Basic Training.

Ki samla ba sah ha East  Khasi Hills bad Ri Bhoi District  kin hap leit report sha ka District Training Centre Home Guards, Mawdiangdiang, Shillong. Ki samla ba sah ha West Khasi Hills bad South West Khasi Hills kin hap leit report sha District Training Centre Home Guards, Nongstoin. Ki samla kiba sah ha East Jaintia Hills bad West Jaintia Hills district  kin hap leit report sha District Training Centre Home Guards, Jowai. Kumjuh ruh, ki samla kiba na West Garo Hills bad South Garo hills kin hap leit report sha District Training Centre Home Guards Tura, katba kito kiba sah ha East Garo Hills bad North Garo Hills kin hap leit report sha District Training Centre Home Guards Williamnagar. Ki samla na South West Garo Hills District kiba la jop ia ka eksamin kam kin hap report ha ka Civil Defence Office Ampati.

Ki samla kiba la pass ia ka eksamin kam ki dei ban leit report sha ki ophis ba la dep iathuh ha ka 24-25 November 2020, khnang ba kin ioh jingtip ba paka halor ka appointment jong ki, ka  jaka training jong ki  bad kiwei de ki jingdonkam. Kine ki samla kin pyndep ruh ia ka COVID- 19 test bad ka tarik ba ki dei leit ban test yn sa pyntip ia ki ha ka por ba ki leit mih sha ki ophis ha district.

Ka Basic Training jong  ki kyrdan kam Guardsman,  Driver bad NCE kan sdang naduh ka 1 Tarik u bnai Nohprah 2020.