Ki Nongkhaii ki kylla Nongsynshar

Syllad | The Rising MeghalayaJuly 16, 2022

Ha ka sngi kynmaw burom ia u Syiem ka Hima Nongkhlaw, U Tirot Sing, to ngin pynkynmaw ialade ba hadien ba u Pa’iem Tirot Sing u la shah kem, ka Hima Nongkhlaw ka hap ruh ban siew ia ka bai kliar wait kaba heh bad la ban khia bad haduh katta katta ia ka Hima. Ka Hima bad ki Syiem kiba hadien ki la shem shitom ban siew dep ia kata ka bai kliar wait bad la iathuh ba u Thomas Jones u la pynrem bad ieng ryngkat bad ka Hima Nongkhlaw ban pyrshah ia kane ka bai kliar wait.

Kumjuh ruh ha kane ka juk neo liberal kiba bun ki Nongkhaii (corporate) ym dei shuh tang ba ki bei tyngka ia ki candidate ha ka por election MDC/MLA/MP. Mynta da ialade hi ki la aireng ban kurup ia ka bor synshar.

Pule | La rakhe iaka lyngkhuh sngi iap ba 187 U Tirot Sing Syiem ha Nongkhlaw

Sa kawei, ka Sorkar Meghalaya naduh kine ki phew snem kiba la leit noh bad haduh mynta ka khyllipmat ka la im da ka ram na ka ADB bad na shawei. Mano ban siew ia kata ka ram? Ym dei ma nga bad ma phi ki paidbah nongshongshnong?

Ha ka por u Tirot Sing ki khun ki hajar ki siew bai kliar wait sha ka sorkar British East India Company. Mynta nangne shakhmat ma ngi ki nongshong shnong ngin siew ram bad ka sut sha ka ADB bad shawei?