Ki khun samla kila klet noh ïa U Blei ba ïabeh ïaka juk thymmai

Syllad | The Rising MeghalayaMarch 10, 2019

JOWAI: Ki khun samla mynta kila klet noh ïa U Blei ba ïabeh ïaka juk thymmai, la ong u Pastor SG Ryngksai haba kren haka Jingïaseng Samla KJP Synod Mihngi ha Wapung haka jingïaseng 1 baje nohphaisngi.

“Wat ki khun samla ki thrang dik dik ban jan sha U Blei, hynrei ki jngai pat na U Blei namar ka jingïabeh ïaka juk thymmai bad kim don por ban kynmaw ïa U Blei,”, la ong u Pastor Ryngksai.

U Pastor SG Ryngksai, ula sam ïaka khubor na ktien U Blei kaba u sot na ka kitab (Esekiel 10: 18-19) kaba ïadei bad ka burom U Blei.

U Pastor ula ong ba ka Balang mynta ka don ha thmir ka jingduh noh ïaka burom jong U Trai namar ba ngi im ha ki sngi jong ka jingeh bad jingkhuslai, ka jingkharoi jong ka jingsniew kiba la sdang wat ha ki rympei ïing Khristan bad sar lut iaka imlang sahlang bad suh thied wat ha ki Balang. “Haba ngi ïohi ïa kine kiei kiei ka burom jong U Blei kala duh noh ha ngi. Nga sheptieng ban ïohi iaki khun kiba la siewspah jong U Trai kin duh noh ïa ka burom jong U Blei”, ong u Pastro Ryngksai bad ula pynkynmaw ïaka jingduh noh jong ki khun Isareal arsien ïaka burom jong U Blei na kadaw ka jingim kynriang bad ka jingim ijli jong ki bad khot ïaki parabangeit ban phai sha U Blei ban lait na ki jingeh bad ka sngewbha pyrthei.

Ka Jingïaseng Samla KJP Synod Mihngi kaba 18 kanlong haka Balang Rymbai halor ka phang “Im na ka bynta u Khrist”.

Shuwa ba u Pastor Ryngksai ua sam ï aka khubor na ka ktien U Blei, la ïoh shuwa ïaka jingrwai Choir na Jingïaseng Samla Balang Sadew, Delegate, Wapung bad Standing Choir KJP Synod Mihngi.