Khyrwrit hattrick u Arwan jop ka Mookynphad 5-1 kol iaka Mynso Blazon

Syllad | The Rising MeghalayaApril 13, 2022

U Arwan Rymbai ula kylla long u namtam bad lam lynti iaka Mookynphad Mihmyntdu ban khur jingjop da 5-1 kol pyrshah iaka Mynso Blazon haka jingiakhun football Third Division- ka Adelbert Laloo Memorial Trophy kaba pyniaid da kaba West Jaintia District Sports Association (WJDSA) kaba long ha Kiang Nangbah Stadium haka sngi Balang.

U Arwan marwei ula khyrwit lai kol (22, 60, 70) bynrap sa mar shikol na u Wailad Shylla (63) bad Happening Lyngdoh (66).

Shikol ka Mynso la thep da u Sorsa Syntem (20).

Ha kawei pat ka jingiakhun ka Mukhla Umlangshor ka la pynliem ïaka Chyrmang Wah da 3-0. Ïa kine ki 3 kol la thep da u Kitkhia Suna (26), u Ovenson Symblai (65) bad u Damihbiang Shylla (71).

Haka jingïakhun kaba khatduh ka Newhill ka la pynliem ïaka Mookaswan Dongwah da 2-0. Ïa kine ki artylli ki kol la thep da u Rguel Dkhar (20) bad u Odame Lyngdoh (60).