Khot pyniasoh iaki nongput nongtem, nongrwai bad kiwei

Syllad | The Rising MeghalayaMay 29, 2023

Kum shibynta ban kyntiew ia ki riewdonsap ha ka tem ka put, ka shad bad ka rwai tynrai bad ruh ban plie lad ia ka jingiashimbynta jong ki ha ki tamasa, ki prokram bad ki workshop ki bapher bapher  ba ju pynlong ha ka jylla bad ha kylleng ka Ri India, ka tnat Arts & Culture jong ka sorkar jylla ka khot aplikeshon na ka bynta ki riewshimet bad ki kynhun kiba ju rwai, tem bad shad tynrai ba kin pyniasoh ialade (empanel) bad kane ka tnat sorkar.

Kino kino kiba don jingmut ha kane ka bynta ki lah ban leit shim ia ki aplikeshon na ka ophis jong ka Directorate of Arts and Culture, Shillong lane na ka ophis jong u Deputy Commissioner ka Eastern West Khasi Hills District, Mairang ha ki por long trei bad ka tarik ba khatduh ban pynpoi ia ki phom aplikeshon ba lah dep pyndap ka long ha ka 31 tarik u Jymmang 2023. (SDPRO, Mairang)