Khot ka Dorbar Shnong Caroline Colony iaki trai jaka na Community Hall sha Jowai Bypass (Harud Wah Myntdu)

Syllad | The Rising MeghalayaMay 5, 2023

Ka Dorbar Shnong Caroline Colony kala khot bad wer ia baroh ki trai jaka kiba don jaka na Community Hall ka Dorbar Shnong Caroline Colony shaduh sha surok Jowai Bypass ban wan iakynduh ia u waheh shnong haka 13 tarik Jymmang (May) ha kaba iadei bad ka jingshna iaka surok iaid kali.

Ka Dorbar Shnong Caroline Colony haka jingpynbna kaba la pynbna paidbah kala kyrpad ia baroh ki trai jaka na Community Hall ka shnong shaduh sha Jowai Bypass (harud ka Wah Myntdu) ba kin sngewbha ban wan iakynduh ia u waheh shnong haka 13 tarik Jymmang haka por 9:30 baje mynstep.

Ka Dorbar Shnong kala kyntu ia baroh ki trai jaka bad wanrah lang bad ki kot sla jaka puta jong ki ban pynshisha iaki jaka khnang ban iaid beit iaid ryntih ka jingshna iaka surok shnong (Approach Road) da ka tnad PWD.