Khot jingïalang ki nonghikai SSA Thadlaskein & Laskein Block

Syllad | The Rising MeghalayaAugust 5, 2019

JOWAI: U Babu Riwill Rynjah Secretary Meghalaya SSA School Association (MSSASA), Thadlaskein Block Unit ha u kyrwoh ba ula phah ula pyntip ba ka jingialang jong ki nonghikai SSA hapoh ka Block Thadlaskien, West Jaintia Hills District kan long ha ka 10 tarik u Nailar hapoh Ummulong Community Hall madan Khongwang ha ka por 11 baje mynstep. Ha katei ka jingialang yn ïakren halor ka jingiakynduh ka Seng bad u State Project Director ha kaba ia dei bad ki jingdawa ba dang sahteng jong ki nonghikai SSA nalor kiwei kiwei ki kam.

Ha kawei pa u kyrwoh u Babu Final Langbang President Meghalaya SSA School Association (MSSASA) Laskein Block Unit u la pyntip ba ka jingialang jong ki nonghikai SSA kiba hap hapoh u pud u sam jong ka Block Laskein, West Jaintia Hills District kan sa long ha ka 12 tarik Nailar hapoh Moolibang Community Hall Shangpung ha ka por 11 baje mynstep. Ha katei ka jingialang yn ai ia ka financial report, yn jied ia ki nongkitkam ba thymmai na ka bynta ka samoi trei kam 2019-22 nalor kiwei kiwei ki Kam kiba iadei bad ka bha ka mait jong ki nonghikai SSA.

Yn sa iadonlang ruh ki nongialam ba ha khmat jong ka Sengkmie naduh u President bah Aristotle C Rymbai bad u General Secretary bah Ralbingland L. Nonglait nalor ki dkhot ka Central Executive Committee (CEC) ha baroh artylli kitei ki jingialang.