Khot jingialang ka JAC ban iakren iaka bai kit dewbilat thymmai

Syllad | The Rising MeghalayaOctober 15, 2020

Ka Joint Action Committee (JAC) kaba kynthup iaki nongialam ka Meghalaya Truckers Union (MTU), All Jaintia Hills Clinkers and Cement Association (AJHCCA), Jaintia Hills Truck Owners and Driver Association (JHTOA) kala rai ban khot da ka jingialang paidbah haka 17 tarik une u bnai Risaw ban iakren iaka bai kit thymmai kaba la ai dor ka sorkar.

Kane ka jingialang kanlong haka por 1 baje nohphaisngi ha Phramer.

U Publicity Secretary ka JAC u Jersom Shylla, ula ong ba ka sorkar lyngba ka tnad transports kala ai iaka dor thymmai bad ha kane ka jingialang kin shim iaka rai ban kin pdiang ne em ia kane ka dor thymmai kaba la buh ka sorkar.

Katkum ka jingpynbna jong ka sorkar Jylla haka 13 tarik Kyllalyngkot 2020 la kyntiew ia ka dor sha 9 tyngka haka shi kilometre shiton haka surok rong, T.10 shi ton haka ki surok maw bad haka surok khohruh khohram T.12 shi ton.

Halor kane ka dor la bun bun tylli la pynlong hapdeng ka JAC, ka synjuk ki nongpynmih dewbilat bad ka sorkar.

Ka khubor kaba iohlum kala don ka jingtyrwa ban pynkylla iaka dor ban kit dewbilat hadien ba la ud ka synjuk ki nongpynmih dewbilat ka Jaintia Hills Cement Manufacturer Association (JHCMA) ba kim lah ban lah ban pyntreikam iaka dor kaba la buh ka sorkar.