Khot iashimbynta haka National Science Day Run ha Jowai

Syllad | The Rising MeghalayaFebruary 23, 2024

Ka State Council of Science, Technology & Environment, Meghalaya ryngkat ka jingiatreilang ka bor pynïaid District, West Jaintia Hills District kum shibynta ka jingrakhe iaka National Science Day, kan pynlong iaka National Science Day Run–2024 haka 26 tarik Rymphang.

Ka phang pdeng kane ka jingrakhe ka long “Indigenous Technologies for Viksit Bharat”.

Kane ka jingiakop mareh kan sdang naduh ka por 6.30 baje mynstep na ka bynta ki khynnah shynrang bad kynthei.

Kane ka jingiakop mareh kan sdang Main Gate Kiang Nangbah Stadium bad iaid lyngba ka Ladthadlaboh Main Road, Jowai Public School, Gate Polytechnic, Kshaid Rymphum, Salaroh, Dulong Poh-hali Road, Dulong- Pamhadem, Panaliar (Civil Hospital), Iongpiah , Mission Compound, HK Singh School, D.C Office, New Hill-National Highway bad pynkut ha Kiang Nangbah Indoor Stadium.

Ki nongjop kin ioh iaka khusnam kyrpang ryngkat ki certificates bad yn sam T-shirt ei sha baroh ki nongïashim bynta.

La khot la wer ia baroh ki District Association, Sports Club, ki skul bad Colleges napoh ka District ban iashim bynta ha kane ka jingiakop.

Ka jingshim kyrteng iaki nongïashim bynta kan long ha katei hi ka sngi ha Kiang Nangbah Indoor Stadium, Jowai haka por 6:00 baje mynstep.