Khlad uwei ha shen ba iatakhuh kali ha Ialong

Syllad | The Rising MeghalayaOctober 3, 2024

Uwei u briew ula duh iaka jingim jong hadien ka jingiatakhuh kali kaba la jia haka step 3 tarik Risaw haka shnong Ialong hajan ka Jowai Civil Hospital, Ialong.

Une u ba la khlad u dei uba kyrteng Macmillan David Suchiang ba na ka shnong Shangpung Mission, West Jaintia Hills

La iathuh ba ka trok kaba niah da u Anilson War ba na Diengpasoh, East Khasi Hills ka don ia u number AS 01 LC 5864, bad ka maruti car kaba don ia u number ML 05 G 8164 la niah da u Macmillan kila iatakhuh ha Ialong. Kane ka maruti ka dei kaba wna na ka thain Shangpung bad ka trok na kaliang Jowai, hynrei ha ba poi ha katei ka jaka kila iatakhuh bad baroh ar kila kali kila poi shabar ka surok.

Kane ka jingjia iatakhuh kine ki kali ka dei kaba markhmat, ha kaba ka Maruti Car kala julor phom bad namar ka jingmynsaw jur u Macmillan ula khlad hashen.

Ki pulit kila wan shimti iaka met, katba na kaliang u nongniah trok ula pyndem dalade ha khmat ki pulit ka Phramer Traffic Cell.