Khlad u koidi ha Jowai District Jail

Syllad | The Rising MeghalayaNovember 29, 2024

Uwei u koidi ne u Under Trial Prisoner (UTP) ka Jowai District Jail and Correctional Home ula khlad noh shuwa ban poi sha jaka sumar ha Jowai Civil Hospital Ialong.

Une u u koidi bala khlad u dei u Tenkini Siangshai (32 snem) na Wapungskur, East Jaintia Hills District.

Kane ka jingjia kala jia haka 28 tarik Naiwieng.

U Nidalut Siangshai u hymmen jong u ula iathuh ba kila ioh jingtip ba u khlad haka por kumba 4:38 nohphaisngi haka 28 tarik Naiwieng, ynda la poi ha Jowai Civil Hospital Ialong. La iathuh ruh ba u Tenkini ula khlad shuwa ban poi jaka sumar.

Kiba haiing hasem u Tenkini kila kyntu iaka bor jong ka ain ban tohkit bniah halor ka jingkhlad u Tenkini bad ban iathuh shai iaka rukom iap  jong u.

Ki Pulit haka 29 tarik Naiwieng kila pyndep iaka jingdonkam jong ka ain bad kila aiti ruh iaka metiap sha kiba haiing.